HEBRERU LOCU, D´AZAR

      Los mesis pasan de largu, invisiblis, cuasi sen hazel ruíu, no asín hebreru. Esti mes locu, cortu, conas priesas pa entral, tamién pa salil, de canteus bruscus. Hebreru no da tregua conas borrascas que desbordarun regachus i ríus conos caudalis anegandu terruñus de las sus vegas, eschavaçandu curtivus, ajogandu animalis de corral, entrandu enas casas, devastandu enseris, estravíus de pertenencias, vías i recuerdus familiaris, la su memoria.Caminus cortauspol socavonis, barcunás, puebrus enterus desalojaus de las sus viviendas duranti días, más de 11,000 pressonas cercanas alos caucis de los ríus Guadalquivir, Tajo y el Duero conos sus afluentis.

      No paran, una detrás desotra, vieni una borrasca cuandu entovía no a passau la otra, toas cona su nombraía pa que no s´olviín enjamás. La Dana en Valencia, la Filomena, Kristin, Leonardo, Marta, Nils.

      Tampocu las guerras paran, antañu el ambitu enternacional a estau marcau pol la enestabli i lkos conflitus, peru lo malu de tou es que ogañu lleva p´alantri la mesma tendencia.

      Ordin Mundial, assina lo almientan, comu a las borrascas, peru con nombri i apellíu. Las grandis potencias comu EEUU se centran enos sus vecinus del Caribi i l´América latina. China entapona a Taiguán i Rusia anda entovía en lucha con Uropa, amén de los bruchis territorialis i demás en Äfricao los Paisis Árabis.

      A quiénis culparemus de tó estu?, lo premitimus tou, dejamus que jagan lo que les vieni enas ganas. Es menestel abondu políticus d´Estau pa Ordenal el Mundu, peru no los ai?, noi ordenan ni el su propiu estau, ni la su comuniá, ni siquiera el su propiu partíu políticu, el puebru no se confía o hazi poquina fé enas democracias, el puebru no crei pol que mos roban, pol que nos ofendin, pol que nos enfrentan. TOUS SEMUS CURPABRIS: El ser umanu, esi es el úniquitu curpabri de la difusión de las guerras, semus mosotrus mesmus.

      Hebreru es tamién el mes del Amor, de D. Carnal, Doña Cuaresma, santu i seña de los desafíus eternus entri los praceris mundanus i los sacrificius espiritualis, es el´esseu del desfruti i la sibrieá. D. Carnal es la alegría,esenfrená mentras que Doña Cuaresma es la serieá, la prudencia i la espeiritualiá. Assina mos lo narra el “Libro del Buen Amor” del Arcipreste de Hita.

      P´aqui anda ya el Carnaval, olvíemunus de las guerras, de las borrascas, de las elecionis d´Aragón i de las Estremeñas ondi tovía no s´a resueltu la hormación de la Junta.

BIENLLEGAU D. CARNAL, DOÑA CUARESMA.

ALÚ ESPUÉS ORDIN MUNDIAL

Jaime GilMart

Coria

-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-**-*-*-*-*-*-*-**-*-*-*-*-*-*-*-*-*-*-*-*-*-*-**–*-**-*-*-*–*-*-

FEBRERO LOCO, DE AZAR

      Los meses pasan de largo, invisibles, casi sin hacer ruido, no así febrero. Este mes loco, corto, con prisas para entrar, también para salir, de cambios bruscos. Febrero no da tregua con las borrascas, borrascas que han desbordado arroyos y ríos con caudales que anegaban las tierras de sus vegas, destrozando sus cultivos, ahogando animales de corral, entrando en las casas, destrozando enseres, perdidas de pertenencias, vidas y recuerdos familiares,  su memoria. Carreteras cortadas por socavones, inundaciones, pueblos enteros desalojados de sus viviendas durante días, más de 11.000 personas cercanas a los cauces de los ríos Guadalquivir, Tajo, Duero y otros  con sus afluentes. 

      No paran, una tras otra, viene una borrasca cuando aún no ha pasado la otra, todas con nombre para no olvidarnos nunca. La Dana en Valencia, la Filomena, Kristin, Leonardo, Marta, Nils. 

      Tampoco paran las guerras, en el pasado año el panorama internacional ha estado marcado por la inestabilidad y los conflictos, y lo peor de todo es que este 2026 continuará con la misma tendencia.

      Orden Mundial, así le llaman como  a las borrascas, pero con nombre y apellido. Las grandes potencias como EEUU se centran en sus vecinos del Caribe y América latina. China tapona a Taiwan y Rusia aún en conflicto con Europa, amén de luchas territoriales y demás en Äfrica o Paises Árabes. 

      A quién culparemos de todo esto, lo permitimos todo, dejamos que hagan todo lo que les viene en gana. Se necesitan políticos de estado para Ordenar el Mundo, pero no los hay, no ordenan ni su propio estado, ni su comunidad, ni siquiera su propio partido, el pueblo ya no confía o confía poco en las democracias, el pueblo no cree porque nos roban, porque nos ofenden, porque nos enfrentan. TODOS SOMOS CULPABLES: El ser humano,  ese es el único culpable de la propagación de las guerras, nosotros mismos. 

      Febrero también es el mes del Amor, de Don Carnal, Doña Cuaresma, símbolo del desafío eterno entre los placeres mundanos y la abstinencia espiritual, es el deseo del disfrute y la sobriedad. D. Carnal es la alegría desenfrenada mientras Dña. Cuaresma es la seriedad, la prudencia y la espiritualidad. De esta manera nos lo narra el Libro del Buen Amor del Arcipreste de Hita.

      Ya está aquí el Carnaval, olvidémonos  de las guerras, de las borrascas, de las elecciones en Aragón con sus ganancias o pérdidas de votos y batacazos  y de las extremeñas donde aún no se ha resuelto la formación de la Junta.

 BIENVENIDO DON CARNAL, DOÑA CUARESMA.

 HASTA LUEGO ORDEN MUNDIAL.