{"id":103,"date":"2025-05-07T08:55:50","date_gmt":"2025-05-07T06:55:50","guid":{"rendered":"https:\/\/blogs.hoy.es\/palramus-extremenu\/?p=103"},"modified":"2025-05-07T08:55:50","modified_gmt":"2025-05-07T06:55:50","slug":"los-domingus-dias-de-fubu-i-los-7-manificus","status":"publish","type":"post","link":"https:\/\/blogs.hoy.es\/palramus-extremenu\/2025\/05\/07\/los-domingus-dias-de-fubu-i-los-7-manificus\/","title":{"rendered":"LOS DOMINGUS, DIAS DE FUBU I LOS 7 MAN\u00cdFICUS"},"content":{"rendered":"

\u00a0 \u00a0 \u00a0\u00a0LOS 7 MAN\u00cdFICUS<\/strong><\/span><\/span><\/p>\n

\n

<\/a><\/span><\/span><\/p>\n

<\/a><\/a><\/span><\/span><\/p>\n

\u00a0 \u00a0 \u00a0 \u00a0Es mu ifici que sos acuerd\u00e9is d\u00b4estu, porque ni en siquiera yo mesmu pudi vel-lu pos tov\u00eda andaba enas escuelinas nacionalis pol antoncis. Vela\u00ed, que unus cuantus a\u00f1us m\u00e1s tardi del sigru pasau pos me hu\u00ed a hazel los estudius del bachillel a los C\u00e1cris i enos domingus n\u00b4ab\u00eda na m\u00e1s que fubu, cinis i paseus, solamenti que pol vel las mo\u00e7inas de l\u00b4universi\u00e1 pai nel paseu de C\u00e1novas i la calli Pintoris o pal Gran Teatru, peru amus que yo pa esus d\u00edas no sab\u00eda ni paqu\u00e9, a lo que vamus que se pierdi unu cuentandu cosinas que no vienin al cuentu.<\/span><\/span><\/p>\n

\u00a0 \u00a0 \u00a0 \u00a0Pos que enchegandu unu d\u00b4esus domingus el part\u00edu de fubu que se juegaba hu\u00e9 precissamenti el Cacere\u00f1u conel Badaj\u00f3 nel campu de fubu de la Ciu\u00e1 Deportiva i pos comu n\u00b4ab\u00eda mejol plan pos nos pusimus pi\u00e9s en polvorosa i caminu p\u00b4arribota asta chegal al campu assitiau p\u00b4al rodeu, el d\u00eda andaba un poquinu nublau peru enjam\u00e1s cre\u00edmus que endispu\u00e9s se pusiera tan tormentosu asina que d\u00b4ensegu\u00eda salierun las gestas de part\u00edus groriosus nesus d\u00edas d\u00b4aiguas i barrus. As\u00edna hu\u00e9 comu me que\u00e9 embobau cuandu aquel se\u00f1ol al la\u00ednu nuestru cuentaba al su acompa\u00f1anti la susodicha epopeya i que agora vos pasu a cuental.<\/span><\/span><\/p>\n

\u00a0 \u00a0 \u00a0 \u00a0Referimientu del partiu esti:\u00a0<\/span><\/span><\/p>\n

\u00a0 \u00a0 \u00a0 \u00a0A\u00f1u del 1964 i primel d\u00eda del mes de mar\u00e7u, el part\u00edu era mu parec\u00edu al que andabamus viendu pos eran de la m\u00e1s grandi rivali\u00e1 entri los equipus estreme\u00f1us, na m\u00e1s i n\u00e1 menus que las ciuais m\u00e1s grandis de toa Estrema\u00fara, pol antoncis el genter\u00edu enos campus era bastanti numerosu i m\u00e1s nun part\u00edu comu esti ondi los nervius sal\u00edan a floti a la m\u00e1s m\u00ednima ena qu\u00b4el arbitru diera el pitiu a favol de los visitantis, se liaba una m\u00e1s grandi que una tormenta con truenus i rel\u00e1mpagus, esti arbitru tuvu demasiau protagonismu dendi el prencipiu mesmu peru el Cacere\u00f1u mu arropau pol la su afici\u00f3n d\u00b4ensegu\u00eda hu\u00e9 poniendu en su sitiu a los blanquinegrus, los graer\u00edus c\u00e1 ves m\u00e1s animosus conos sus jugaoris i los pitius al de negru tami\u00e9n sub\u00edan de los decibelius, estaba craru que pitaba con muchu tratu de favol a los sus vecinus, pos era meritensi, peru as\u00edn i to los verdis en la media ora de juegu ya l\u00b4ab\u00edan marcau 2 golis a los blanquinegrus mu a pesal del arbitragi que c\u00e1 ves se haz\u00eda m\u00e1s descarau conos sus pit\u00edus sempri a favol de los pacensis. Las gradas repletas de aficionaus cacere\u00f1us respingaban indinaus pol esi atrevimientu nel su propiu campu i el jombri de negru n\u00e1 m\u00e1s conel silbatu ena boca to el tiempu ena contra de los localis i a esu del minutu 35 el Badaj\u00f3 marc\u00f3 un gol que no debi\u00f3 abel sub\u00edu al marcadol i estu pusu a toa la afici\u00f3n de los nervius, igualmenti que a los mesmus jugaoris del cacere\u00f1u que huerun a pol el arbitru haziendu un corru alrreol suyu al la\u00ednu mesmu del tunil de vestuarius. Nesta tangana al de negru se le ocurri n\u00e1 m\u00e1s que sacal-li la targeta roja i d\u00b4una taj\u00e1 a 4 del cacere\u00f1u lo cual pusu las gradas patas arriba i s\u00b4arm\u00f3 la revoluci\u00f3n, una bronca bochornosa qu\u00b4enjam\u00e1s ten\u00eda que pasal enos campus de fubu, peru ya s\u00b4ab\u00eda echu tardi i nesas andabamus cuandu un jugaol del cacere\u00f1u el Ibarreche le di\u00f3 un \u00e7acapu\u00f1u a Garc\u00eda Camarero que asina s\u00b4almientaba el arbitru que lo dej\u00f3 sin sent\u00edu i pocu dispu\u00e9s el partiu quea suspend\u00edu i al Ibarreche le ponin de suspensu 17 partius. Pos conesti resultau de 2-1 s\u00b4acaba el partiu que se g\u00fcelvi a acontinual el d\u00eda 12 del mesmu mes de mar\u00e7o.<\/span><\/span><\/p>\n

\u00a0 \u00a0 \u00a0 \u00a0Hu\u00e9 esti d\u00eda 12 de mar\u00e7o cuandu toa la afici\u00f3n del cacere\u00f1u enllen\u00f3 las gradas del campu asta revental-lu i con m\u00e1s ganas de jarana pos queaban entov\u00eda los 10 minutus del primel tiempu i to el segundu, recuerdandu que n\u00e1 m\u00e1s ab\u00eda que 7 jugaoris pos los otrus 4 quearun espulsaus. El d\u00eda era mu tormentosu, agua a chorrus i el campu embarrau del t\u00f3, pos los campus regionalis eran de tierra.<\/span><\/span><\/p>\n

\u00a0 \u00a0 \u00a0 \u00a0Se presenta el equipu con los 7 jugaoris i pa m\u00e1s inri los 2 porterus s\u00b4ab\u00edan lesionau i asina que tuvun que ponel un defensa ena porter\u00eda, la alinaci\u00f3n era la siguienti: Palma, Valero, Moscoso, Cantalapiedra, Mand\u00e9s, Tate i Monasterio. Se disput\u00f3 esti con muchu morbu i es pol esu que el campu i los grader\u00edus s\u00b4enllenarun a pesal de la torrencial lluvia i el resultau hu\u00e9 de 3-3 un empati que supu a groria vistu lo vistu i pasandu a la istoria de C\u00e1cris conel nombri de !LOS 7 MAN\u00cdFICUS!.<\/span><\/span><\/p>\n

Jaime Gilmart<\/strong><\/em><\/p>\n

Coria<\/strong><\/em><\/p>\n","protected":false},"excerpt":{"rendered":"

\u00a0 \u00a0 \u00a0\u00a0LOS 7 MAN\u00cdFICUS \u00a0 \u00a0 \u00a0 \u00a0Es mu ifici que sos acuerd\u00e9is d\u00b4estu, porque ni en siquiera yo mesmu pudi vel-lu pos tov\u00eda andaba enas escuelinas nacionalis pol antoncis. Vela\u00ed, que unus cuantus a\u00f1us m\u00e1s tardi del sigru pasau pos me hu\u00ed a hazel los estudius del bachillel a los C\u00e1cris i enos […]<\/p>\n","protected":false},"author":28761,"featured_media":0,"comment_status":"open","ping_status":"closed","sticky":false,"template":"","format":"standard","meta":[],"categories":[1],"tags":[],"_links":{"self":[{"href":"https:\/\/blogs.hoy.es\/palramus-extremenu\/wp-json\/wp\/v2\/posts\/103"}],"collection":[{"href":"https:\/\/blogs.hoy.es\/palramus-extremenu\/wp-json\/wp\/v2\/posts"}],"about":[{"href":"https:\/\/blogs.hoy.es\/palramus-extremenu\/wp-json\/wp\/v2\/types\/post"}],"author":[{"embeddable":true,"href":"https:\/\/blogs.hoy.es\/palramus-extremenu\/wp-json\/wp\/v2\/users\/28761"}],"replies":[{"embeddable":true,"href":"https:\/\/blogs.hoy.es\/palramus-extremenu\/wp-json\/wp\/v2\/comments?post=103"}],"version-history":[{"count":4,"href":"https:\/\/blogs.hoy.es\/palramus-extremenu\/wp-json\/wp\/v2\/posts\/103\/revisions"}],"predecessor-version":[{"id":108,"href":"https:\/\/blogs.hoy.es\/palramus-extremenu\/wp-json\/wp\/v2\/posts\/103\/revisions\/108"}],"wp:attachment":[{"href":"https:\/\/blogs.hoy.es\/palramus-extremenu\/wp-json\/wp\/v2\/media?parent=103"}],"wp:term":[{"taxonomy":"category","embeddable":true,"href":"https:\/\/blogs.hoy.es\/palramus-extremenu\/wp-json\/wp\/v2\/categories?post=103"},{"taxonomy":"post_tag","embeddable":true,"href":"https:\/\/blogs.hoy.es\/palramus-extremenu\/wp-json\/wp\/v2\/tags?post=103"}],"curies":[{"name":"wp","href":"https:\/\/api.w.org\/{rel}","templated":true}]}}