De este modo nos damos cuenta de todos los indicios de la cada vez más próxima debilidad del habla; las clases en castellano hacen lo suyo, pero no son el único factor que explica la fuerte descomposición en que se encuentra el habla de Extremadura. Y es que, al parecer, este proceso de aniquilación cultural no es tan antiguo, es más bien relativamente reciente. Según testimonios de los propios habitantes, hace aproximadamente cincuenta años el habla extremeña era el habla vehicular.

Sería especialmente apasionante estudiar el modo tan progresivo (desde cuándo, con qué intensidad,…) en que el idioma español ha ido gestando el ocaso de la lengua extremeña pero es inabarcable dentro del presente estudio. Porque no es mi intención documentar detalladamente este proceso de aniquilación sino intentar que los datos recopilados sirvan para alumbrar un cambio de tendencia: una progresión hacia una cultura propia y viva que evite la paulatina sustitución por las obstinadas formas de la lengua estatal.”

Así que cuando Franco, en una de sus primeras alocuciones, deja bien claro por dónde irán los tiros de su largo mandato no hace sino continuar un largo proceso: “El carácter de cada región será respetado, pero sin perjuicio para la unidad nacional, que la queremos absoluta, con una sola lengua, el castellano, y una sola personalidad, la española.”La razón es obvia: el rasgo que hace pervivir una cultura es la lengua por medio de la cual se transmite. Si se corta el hilo transmisor su ocaso está más que garantizado.

De fecha no tan lejana como 1954 aún tenemos el testimonio de una mujer en Malpartida de Plasencia que manifestaba ser incapaz de expresarse en castellano. Y en una encuesta realizada en 1976, el 12% de los extremeños aún manifestaba que su lengua era la característica más diferenciadora con el resto de España.

En la actualidad, y tras haber recorrido de punta a punta la Extremadura, seguimos recopilando numerosos casos de castigos escolares por emplear palabras de la lengua extremeña. Y es que ya lo decía Milan Kundera:

“El primer paso para aniquilar un pueblo es borrar su memoria. Destruir sus libros, su cultura, su historia. Y después pones a alguien para que escriba nuevos libros, para que elabore una nueva cultura, para que invente una nueva historia. En poco tiempo la nación empezará a olvidar lo que es y lo que fue”.

           Milan Kundera, El libro de la risa y el olvido (1979)

Es un ergumentu mu recurrenti endrentu del entornu académicu dela Nuversidá d’Estremaúra dizil que si en Estremaúra se parla castillanu es porque los estremeñus acetarun libri i de su motivu dexal d’empreal la su propia lengua por una más moerna i universal peru, lamentablimenti, estu no hue assina. I es que esti ergumentu muestra la autonomía nula que tien la Nuversidá d’Estremaúra porque lo únicu que hazi es siguil la dotrina que se le dita dendi Mairil.

Peru ai un segundu ergumentu al que recurri la Nuversidá d’Estremaúra; i no es otru que dizil que la lengua estremeña ya está muerta. Musotrus creemus que la lengua estremeña namás que está huertimenti acomprexá i estu es del tó normal pos es el únicu calapachu que á poíu encontral pa no desparecel.

I es que abexina costatal que quien se denominan leíus atribuyan esti processu a una libri escoja quandu probablimenti no aiga ena antropología mundial processu dengunu más estudiau que el del acolturamientu.

Peru es que esti ergumentu tien calau tantu en España que mesmu genti con un espíritu críticu reconocíu comu Arturo Pérez-Reverte afirma sin rubol en un endilgu que “la elección de la lengua castellana por España fue voluntaria…de una forma que podríamos llamar natural”. I los que opinan lo contrariu son (semus) “manipuladores, cantamañanas, idiotas, mareantes y tontos del ciruelo”.

No devería de nesecital Pérez Reverte a estas alturas los insultus pa reforçal los sus ergumentus. Peru es que el su parecel no es otra cosa que la dotrina oficial, la que el rei Juan Carlos dio ena entriega del Premio Cervantes el 25 d’abril de 2001: “Nunca fue la nuestra lengua de imposición, sino de encuentro, a nadie se obligó nunca a hablar en castellano, fueron los pueblos más diversos quienes hicieron suyo, por voluntad libérrima, el idioma de Cervantes.”

Peru, por desgracia pa musotrus los estremeñus, las cosas no an síu assina. Essa escoja “natural y voluntaria” del castillanu s’á díu teciendu a trocu d’arrinconal las demás lenguas dela península i, mu especialmenti, a costa delas más cercanas a Castilla.

En el muestru casu tenemus de palral alo primeru dela mal mentá “Reconquista”: En Estremaúra ya se palrava una lengua romanci moçárabi que avía pervivíu i volucionau endependientementi dendi el latín i que no hizu sino mesturalsi con el asturianu-leonés que truxun las élitis dominantis. A to estu devemus añidil el assorvimientu de León por Castilla ala muerti d’Alfonso IX i la suposición contina del leonés comu lengua dela corti pol castillanu.

Peru, tal i comu muestran los decumentus que tien recopilau D. José Ignacio López Susín dendi la Fundación Gaspar Torrente, el assuntu se destapó cona llegá de Felipe V en 1714 i el su moelu estatal central, i assina, enas estrucionis secretas pala apricación delos Decretos de Nueva Planta (1717), manda alos corregioris ponel “el mayor cuidado en introducir la lengua castellana a cuyo fin dará providencias más templadas y disimuladas para que se note el efecto sin que se note el cuidado.”

Ya andau el sigru Carlos III, nuna Real Cédula de 1768, impon el enseñamientu en castillanu: “Para que en todo el Reyno se actúe y enseñe en lengua castellana. […] y a este efecto derogo y anulo todas cualesquier resoluciones, o estilos, que haya en contrario, y esto mismo recomendará el mi Consejo a los Ordinarios Diocesanos, para que en sus Curias se actúe en lengua castellana.[…] cuidando de su cumplimiento las Audiencias y Justicias respectivas…”

Estas medías d’imposición llegarun mesmu a América ondi la infrujencia delos numerosus estremeñus emigraus s’avía hechu notal. Carlos III, a tal efetu, dispusu lo siguienti: “Por la presente ordeno y mando a mis Virreyes del Perú, Nueva Granada, Nuevo Reyno de Granada… guarden, cumplan y ejecuten, y hagan guardar, cumplir y ejecutar puntual y efectivamente […] mi Real Resolución […], para que de una vez se llegue a conseguir el que estingan los diferentes idiomas, de que se una en los mismos dominios, y sólo se hable el castellano, como está mandado por repetidas Reales Cédulas y Órdenes expedidas en el asunto.”

Una horma mu natural de concedel las cosas (“razón de mercado” la mienta Pérez-Reverte) mos muestra esta Real Cédula de 1772: “…por la cual mando, que to­dos los Mercaderes, y Comerciantes de por mayor y menor de estos mis Reynos, y Señoríos, sea Naturales, o Extranjeros, lleven, y tengan sus libros en idioma castellano”.

Estu no hadrá más que confirmalsi más tardi nel Código de Comercio de 1829 (art. 54): “Los libros de comercio se llevarán en idioma español. El comerciante que los lleve en otro idioma, sea extranjero, o dialecto especial de alguna provincia del reino, incurrirá en una multa…”

Peru ya nel reinau de Carlos IV se dan unas “Instrucciones para el arreglo de teatros y compañías cómicas fuera de la Corte”, enas que se precetúa que: “En ningún Teatro de España se podrán representar, cantar, ni baylar piezas que no sean en idioma castellano.”

Acontinamus en el tiempu. Doranti la Regencia de María Cristina, en 1837, mos topamus lo siguienti: “Cada maestro ó maestra tendrá una sortija de metal, que el lunes entregará á uno de sus discípulos, advirtiendo á los demás que dentro del umbral de la escuela ninguno hable palabra que no sea en castellano, so pena de que oyéndola aquel que tiene la sortija, se la entregará en el momento, y el culpable no podrá negarse á recibirla“.

Enque peol se lo ponían alos propius maestrus; por un Real Decreto de 1902 se manda lo siguienti: “Los maestros y maestras de Instrucción Primaria que enseñasen a sus discípulos la Doctrina Cristiana u otra cualquiera materia en un idioma o dialecto que no sea la lengua castellana serán castigados por primera vez con amonestación… y si reincidiese, serán separados del Magisterio oficial, perdiendo cuantos derechos les reconoce la Ley.

Es en esta época que mos vesita el filologu alemán Fritz Krüger i confirma que el trebaju está quasi que aterminau:

“Velequí el parorama en aquellus sitius enos que la palra se halla en paragi de desparecel, allí ondi oi, tras de varias procuras, tovía se puei sentil, peru quiciás mañana quee pa sempri achaciná; allina ondi la idioma española pocu tiempu tendrá que asperal pa celebral la vitoria definitiva.

Nestus sitius namás mos quea protegel los acaberus redutus tovía salvus del apergollanti poel dela idioma española i assina poel hormal-mus una imagin de cómu era la palra en tola su fuga enantis que seya tardi demás.

No se trata nel casu d’Estremaúra dun contrasti entre variantis lengüísticas sino dela briega entre una lengua vernácula i la moerna lengua estatal. Estu muestra un procesu de volución que por desgracia se vien a osserval de manera abitual, peru una volución namás que en un sentíu, nuna sola direción! Costatal los enormis pogressus que la idioma española á conseguíu d’entre los más nuevus i los de mediana edá es susprendenti i ala vés espantosu.”

Esti relatu tan revelaol acontina assina:

“Dendi los núcleus más emportantis se trasmitin la vida, la coltura i la idioma moernas alas zonas linderas mentris que las más desapartás tovía se mantien salvus dela achacinaora infrujencia.

D’esti jeitu mos damus cuenta de tolas huélligas del ca vés más próssimu descaecimientu dela palra; las crassis en castillanu hazin lo suyu, peru no son el únicu factol que esprica el huerti descomponimientu en que s’alcuentra la palra d’Estremaúra. I es que, alo que paeci, esti procesu d’achacinamientu coltural no es tan antigu, es más bien rezienti. Sigún de testimoñus delos propius abitantis, hazi aprossimámenti cincuenta añus la palra estremeña era la palra veiculal.

Sedría especialmenti apassionanti estudial el mo tan pogressivu (dendi quándu, con qué entensidá,…) en que la idioma española á estau a achacinal la lengua vernácula peru es enabarcabli endrentu del presenti estudiu. Porque no es la mi entención decumental detallámenti esti procesu d’achacinamientu peru sí tental que los datus recadaus sirvan pa alumbral una muación de tendencia: una pogressión hacia una coltura propria i viva que empida la paulatina sostitución polas ostinás hormas dela lengua estatal.”

Assinque quandu Franco, en una delas sus primeras alocucionis, quea bien craru pondi dirán los tirus del su largu mandatu no hazi sino continual un largu processu: “El carácter de cada región será respetado, pero sin perjuicio para la unidad nacional, que la queremos absoluta, con una sola lengua, el castellano, y una sola personalidad, la española”. Está polo craru: el rasgu que hazi pervivil una coltura es la lengua por mé dela que se trasmiti. Si se corta el cordón comunicaol el su orihoscu está más que assegurau.

De fecha no tan larga comu 1954 tenemus entovía el testimoniu duna mugel en Malpartía de Prasencia que dizía no sel escapás de espressalsi en castillanu. En una encuesta hecha nel 1976, el 12% delos estremeñus tovía estava a dizil que la su lengua era el hechu más deferenti del restu d’España.

Ena atualidá, i tras d’avel recorríu la Estremaúra de punta a punta, acontinamus a recadal numerosus casus de castigus escolaris por gastal parabras dela lengua estremeña. I es que ya lo dizía Milan Kundera:

 “El primel passu pa achacinal un puebru es aborral la su memoria. Destruil los sus librus, la su coltura, la su estoria. I endispués ponis a angunu a que escriva nuevus librus, paque elavori una nueva coltura, paque enventi una nueva estoria. En pocu tiempu la nación prencipiará a descaecelsi de lo que es i lo que hue”.