Ena mañana del 28 de otubri de 1811 i ena sierra de Montanchis i terminu de Arroiomolinus de Montachis, tuvu lugal la Suspresa d´Arroiomolinus entri los ejercitus aliaus de Lord Arthur Wellesley i las tropas de Napoleón del Mariscal Soult, mandás pol el General Jean-Baptiste Girard.

            Las tropas aliás lograrun un trunfu tan gloriosu comu ecisivu contra las divisionis más brillantis del ejércitu francés.

            Dicha vitoria s´argumentó ena su superioriá encontra del enemigu, enas condicionis mu desfaroblis i nel desconciertu pol la su entervición. Una suspresa cimentá ena decisión, la rapidés i el secretu.

           

Assina que pa sempri s´arrecordau comu la Suspresa d´Arroiomolinus i dendi el 2023 tós los arroiomlinensis andan ergullosus de abel siu decrará Fiesta d´Interés Turística d´ Estremaúra.

            Dendi essi día i cá añu duranti los últimus días d´otubri se cheva a cabu la representación de esa batalla i que tuvimus el gustu d´assistil pa tenel más conocencia de la muestra estoria.

            Velaquí angunas afotus i vidius d´essus atronaoris momentus d´una guerra, la guerra de la Endependencia.

Jaime GilMart

Coria